MAPISHI YA PINEAPPLE SALSA/ CHACHANDU YA NANASI

   

MAHITAJI YA KUPIKA PINEAPPLE SALSA/ CHACHANDU YA NANASI :

• Nanasi ilokatwa vipande kikombe 1 

• Hoho zilokatwa vipande kikombe 1 (mchanganyiko wa hoho nyekundu, manjano, chungwa na kijani) 

• Nyanya zilokatwa kikombe 1 

• Kotmiri ilokatwa ⅓ kikombe 

• Kitunguu maji kilichokatwa ¼ kikombe 

• Ndimu 2 

• Chumvi na pilipili manga Ukipenda 

• pilipili 1 ilotolewa kokwa na kukatwa vipande vidogo 

 JINSI YA KUPIKA PINEAPPLE SALSA/ CHACHANDU YA NANASI :  

1. Kata nanasi ⅓ kwa chini mkonge wa nanasi uwe umeungana na pande la juu la nanasi  
2. Tengeneza likae umbo la bakuli tumia kijiko kutoa nyama ya nanasi ilokuepo na maji yote ya nanasi hakikisha lipo kavu 
3. Kata nanasi vipande kupata kikombe 1 na linalobakia tumia kwa matumizi mengine 
4. Kwenye bakuli la kiasi changanya vipande vya nanasi, nyanya, hoho, kitunguu maji, kotmiri, maji ya ndimu, chumvi na pilipili manga. 
5. Hamishia kwenye bakuli la nanasi ulotengeneza na weka katika fridge. 
6. Baada ya muda toa na tayari kuliwa... kama huwezi kuweka katika nanasi unaweza kuweka chachandu katika bakuli kama kawaida.